მეცნიერები უკვე დიდი ხანია ცდილობენ მიაგნონ გზას, რომლის მეშვეობითაც წამლებს კონკრეტულ ორგანოებამდე სწრაფად მიიტანენ. ერთ-ერთი ასეთი გზა ნანოთევზებია, რომლებიც კალიფორნიის უნივერსიტეტის მეცნიერებმა გამოიგონეს.

ნანოთევზი ქვიშის მარცვლებზე ასჯერ პატარაა ზომაში. მათ შესაქმნელად ოქრო, ნიკელი და ვერცხლი გამოიყენება. ორგანიზმში შეშვების შემდეგ ნანოთევზებს მაგნიტური ველით აკონტროლებენ და კონკრეტულ ადგილამდე მიჰყავთ.

მეთოდი ჯერ-ჯერობით დაუხვეწავია, რადგან აქვს ორი პრობლემა, ნანოთევზები ბიოდეგრადირებად არ არის და ამიტომ საჭიროა მათი ორგანიზმიდან ხელოვნურად გამოყვანა და მასალა, რომლითაც ეს მოწყობილობები მზადდება ძვირია.

თუმცა, თავად ხერხი ეფექტურია და მეცნიერები ზემოთხსენებული ორი პრობლემის მოგვარების გზებზე უკვე მუშაობენ.