ქართული ოცნების ყოფილი წევრი, დეპუტატი ეკა ბესელია არ გამორიცავს, რომ პარლამენტში ახალი ფრაქცია შეიქმნება. როგორც ის ამბობს, ამ ეტპისთვის ის დაიწყებს ყველა იმ ადამიანთან კონსულტაციას, ვინც შეიძლება, ახალი პოლიტიკური პლატფორმის ნაწილად მოიაზრებოდეს:

"ეს გულისხმობს გარკვეულ პოლიტიკურ ჯგუფს, რომელიც თემატურად გაერთიანდება. ეს თემა პირდაპირ უკავშირდება მართლმსაჯულების რეფორმასა და სამართლიანობის პროცესს".

ის არ გამორიცხავს, რომ თემატურად სოციალ-დემოკრატებთანაც ითანამშრომლებს.

"ვიცი, რომ ისინიც ფიქრობენ ამაზეც და არ გამოვრიცხავ, რომ ეს შეიძლება მალე მოხდეს", — ამბობს ბესელია.

როგორც ბესელია ამბობს, საპარლამენტო უმცირესობა დაიშლება, თუ უმრავლესობას კიდევ ერთი დეპუტატი მაინც დატოვებს.

"ეს შექმნილ უმცირესობას ავტომატურად დაშლის, იმიტომ, რომ რაოდენობრივად იქნება თანაბარი უმცირესობაში მყოფი დეპუტატები და უმრავლესობის გარეთ მყოფი დეპუტატები", —განაცხადა ეკა ბესელიამ.

მმართველ გუნდში დაპირისპირების გამო საპარლამენტო უმრავლესობა დეპუტატმა უკვე დატოვა ეკა ბესელიამ, ლევან გოგიჩაიშვილმა, გედევან ფოფხაძემ და ბექა ნაცვლიშვილმა. გარდა ამისა, გია ჟორჟოლიანი არ გამორიცხავს, რომ სოციალ-დემოკრატებმა უმრავლესობა დატოვონ.