ინტერპრესნიუსისა და რუსთავი 2-ის არაოფიციალური ინფორმაციით, ქართული ოცნებიდან გარიცხეს ოთარ ჩრდილელი და რამდენიმე დეპუტატი მათგან, ვინც ეკა ბესელიას კანონპროექტს მხარი დაუჭირა. ამ დრომდე ამ ინფორმაციას პარტიის პრესსამსახურში არ ადასტურებენ, თავად ჩრდილელი კი On.ge-ს სატელეფონო ზარებს არ პასუხობს.

ამ საკითხთან დაკავშირებით ჟურნალისტებმას კითხვა უმრავლესობის დეპუტატს, ანრი ოხანაშვილს დაუსვეს. გთავაზობთ მის კომენტარს:

"მე ჯერ ვერც ერთ ინფორმაცია ვერ დაგიდასტურებთ, ამას აქვს თავისი ფორმა. იმის შესახებ ეს სიმართლეა თუ ტყუილი ქართული ოცნება გააკეთებს განცხადებას. მე არ ვყოფილვარ არანაირ შეხვედრაზე, თუმცა კონკრეტული განცხადება, რაზეც თქვენ საუბრობთ მოგვიანებით გავრცელდება".

საქართველოს პარლამენტმა გუშინ, 21 დეკემბერს კენჭი უყარა ეკა ბესელიას კანონპროექტს მოსამართლეთა უვადოდ დანიშვნის პროცესის შეჩერების შესახებ. კანონს მხარი 45-მა დეპუტატმა დაუჭირა მხარი, 17 — წინააღმდეგი იყო. კანონპროექტის პირველი მოსამენით მისაღებად 76 ხმა იყო საჭირო. ქართული ოცნებიდან მხარდამჭერებს შორის იყვნენ: რევაზ არველაძე; ეკა ბესელია; ბიძინა გეგიძე; ლევან გოგიჩაიშვილი; ალექსანდრე ერქვანია; ზვიად კვაჭანტირაძე; ლევან კობერიძე; გიორგი მოსიძე; კობა ნარჩემაშვილი; ბექა ნაცვლიშვილი; ზაზა პაპუაშვილი; რუსლან პოღოსიანი; გია ჟორჟოლიანი; გედევან ფოფხაძე; ალექსანდრე ქანთარია; ოთარ ჩრდილელი; მირიან წიკლაური.