საქართველოს პარლამენტის ვიცე-სპიკერმა, თამარ ჩუგოშვილმა პარლამენტის წევრებს შესთავაზა, რომ იუსტიციის უმაღლესი საბჭოდან გამოითხოვონ მათ მიერ დანიშნული წევრები, თუ მოსამართლეთა უვადოდ დანიშვნა გაგრძელდება. ამის შესახებ მან პარლამენტის სხდომაზე განაცხადა.

"მოსამართლეები ჩვენ მიერ დანიშნული წევრების გარეშე ვერ მიიღებენ ვერანაირ გადაწყვეტილებას, ეს არის გამორიცხული. ისინი ყველა მოსამართლეს ნიშნავენ სწორედ ჩვენ მიერ დანიშნული საბჭოს წევრების მხარდაჭერით და ხმებით, ეს არის ფაქტი. ეს ხუთი წევრი არის აუცილებელი საბჭომ რომ მიიღოს, დანიშნოს მოსამართლეები და წარმოგვიდგინოს უზენაესის კანდიდატები", — განაცხადა ჩუგოშვილმა.