გვინეტ პელტროუ ბოლო რამდენიმე წელია ფანებს ახალი კინოროლებით არ ანებივრებს. თუმცა, მისი ნახვა შესაძლებელი იყო მარველის კინოსამყაროს ფილმებში სადაც ის პეპერ პოტსის, რკინის კაცის მდივნისა და შეყვარებულის როლში გვევლინებოდა.

სამწუხაროდ გაირკვა, რომ სულ მალე ის სუპერგმირების სამყაროს გამოემშვიდობება და მისი პერსონაჟი ბოლოჯერ Avengers: Endgame-ში გამოჩნდება.

"ვფიქრობ, უკვე ასაკში ვარ იმისთვის, რომ ამ პერსონაჟის კანში კიდევ ერთხელ შევძვრე. თუმცა, ძალიან გამიმართლა, რომ ამის საშუალება მქონდა. მარველის კინოსამყაროში ყოფნა უდიდესი გამოცდილება იყო. არ დავმალავ და ვიტყვი, რომ პირველი ფილმის შემდეგ, ჩემი ფანების რაოდენობაც გაიზარდა", - ამბობს პელტროუ.

მიუხედავად იმისა, რომ ოსკაროსანმა მსახიობმა მარველის კინოსამყაროდან წასვლის გადაწყვეტილება მიიღო, ის არ გამორიცხავს, რომ ერთ დღეს კვლავ დაბრუნდეს.

"იცით, რთულია ასეთ რამეზე ბოლომდე თქვა უარი და ყოველთვის ვიქნები იქ, სადაც მათ დავჭირდები", - ამბობს მსახიობი.

ამ ეტაპზე გვინეტი ძირითად დროს თავისი ბრენდის Goop-ის პოპულარიზაციას უთმობს და იშვიათად ჩნდება ტელე თუ კინოეკრანზე.

სულ მალე, მსახიობის მონაწილეობით რაიან მერფის ახალი სერიალი The Politician გამოვა. მიუზიკლის ჟანრის შოუში მისი პარტნიორები ჯესიკა ლენგი და ბარბრა სტრეიზანდი იქნებიან.