2016 წელს ბაღდათის მუნიციპალიტეტმა სოფელ წითელხევში, კოტორეიშვილების უბანში წყალდიდობისგან დასაცავი ჯებირი (გაბიონი) მოაწყო. პროექტის ღირებულება 18,9 ათასი ლარი იყო.

აუდიტის ჯგუფმა 2018 წლის 12 ივნისს ადგილზე დაათვალიერა შესრულებული სამუშაოები. დათვალიერების შედეგად გამოვლინდა, რომ გაბიონის მოწყობის სამუშაოები შესრულებულია უხარისხოდ. კერძოდ, გაბიონი დაზიანებული და ჩამოშლილია.

პასუხისმგებელი პირის განმარტებით, გაბიონის დაზიანება და ჩამოშლა გამოიწვია ძლიერმა წყალდიდობამ. აუდიტის სამსახურის მოსაზრებით, მუნიციპალიტეტის განმარტება ვერ ჩაითვლება ობიექტურ მიზეზად, ვინაიდან გაბიონის დანიშნულება, სწორედ დიდი ოდენობის წყლის ნაკადის შეკავებაა.

პასუხისმგებელი პირის განმარტებით, სამუშაოები ექსპლოატაციაში შესვლიდან მალევე დაზიანდა. მიუხედავად იმისა, რომ ობიექტებს გააჩნდათ მოქმედი საგარანტიო ვადა, მერიას არ მიუმართავს მიმწოდებლისთვის, შესაბამისად, არსებული დაზიანებები არ გამოსწორებულა.

სახელმწიფო აუდიტის სამსახურმა ბაღდათის მუნიციპალიტეტის 2016-2017 წლების ბიუჯეტებით გათვალისწინებული პროგრამების შესაბამისობის შესახებ აუდიტის სამსახურის დასკვნა გამოაქვეყნა.