შინაგან საქმეთა სამინისტრომ ბათუმში სწრაფი ჩარიცხვის 14 აპარატის გაქურდვისა და თაღლითობის ბრალდებით ერთი პირი დააკავა. ბრალი 4-დან 7 წლამდე ვადით თავისუფლების აღკვეთას ითვალისწინებს.

უწყების ინფორმაციით, ბრალდებული იმავე აპარატების საშუალებით ინტერნეტტოტალიზატორ ევროპაბეთის ანგარიშზე თანხების თაღლითური გზით გადარიცხვასაც ცდილობდა.

გამოძიება ქურდობის და თაღლითობის ბრალდებით, საქართველოს სისხლის სამართლის კოდექსის 177-ე მუხლის მე- 2 ნაწილის "ა" და "ბ" ქვეპუნქტებით, ასევე, 180-ე მუხლის მე-2 ნაწილის "ბ" ქვეპუნქტით მიმდინარეობს.