საქართველოს განათლების, მეცნიერების, კულტურისა და სპორტის სამინისტრო განათლების რეფორმის კვლევაში 345 034 ლარის დახარჯვას გეგმავს. სამინისტრო, სავარაუდოდ, კვლევას act-ის დაუკვეთავს.

კვლევის ძირითადი ამოცანებია შეისწავლოს შემდეგი საკითხები:

  • სამინისტროს მიერ გამოცხადებული რეფორმის შესახებ ინფორმირებულობის დონე და დამოკიდებულება;
  • სამინისტროს კომპეტენციაში შემავალი მიმართულებების მიმართ მოსახლეობისა და ძირითადი ინტერესთა ჯგუფების დამოკიდებულებები;
  • სამინისტროს აქტივობების შესახებ ინფორმირებულობის დონე და შეფასება;
  • საქართველოს განათლების, მეცნიერების, კულტურისა და სპორტის სამინისტროს ცნობადობა და იმიჯი;
  • მინისტრისა და ძირითადი პერსონების ცნობადობა და იმიჯი.

რამდენიმე კვირის წინ განათლების სამინისტრომ გამოცდებთან დაკავშირებით რეფორმა დააანონსა. გაუქმდა მე-11 და მე-12 კლასებში ე.წ. გამოსაშვები გამოცდები, ერთიან ეროვნულ გამოცდაზე ზოგადი უნარების ტესტის ჩაბარება სავალდებულო აღარაა და მას უნივერსიტეტები თავად აირჩევენ.