ხვალიდან, პირველი მარტიდან საქართველოსა და უკრაინას შორის ID ბარათით მიმოსვლა იქნება შესაძლებელი. შესაბამისი შეთანხმება უკრაინისა და საქართველოს პრემიერ-მინისტრებმა ჯერ კიდევ 2018 წლის ოქტომბერში გააფორმეს.

ხელმოწერის ცერემონია საქართველოსა და უკრაინის პრემიერ-მინისტრების გაფართოებული ფორმატით შეხვედრის შემდეგ გაიმართა, რომელშიც ორი ქვეყნის მთავრობის წევრები მონაწილეობდნენ.

საქართველოსთვის უკრაინა გახდა მეორე ქვეყანა, რომელთანაც ID ბარათებით მიმოსვლაა შესაძლებელი. პირველი ქვეყანა იყო თურქეთი.