ქართული ოცნების დეპუტატი, დავით მათიკაშვილი იურიდიულ საკითხთა კომიტეტის პირველი მოადგილის თანამდებობაზე აირჩიეს. მის კანდიდატურას კენჭი იურიდიულ საკითხთა კომიტეტის სხდომაზე უყარეს.

იქამდე, სანამ ეკა ბესელია ამავე კომიტეტის თავმჯდომარის პოსტს დატოვებდა პირველი მოადგილის თანამდებობას დავით ზარდიაშვილი იკავებდა. მას შემდეგ, რაც ზარდიაშვილმა თანამდებობა დატოვა კომიტეტის თავმჯდომარეობიდან წასვლის შესახებ საჯაროდ განაცხადა ეკა ბესელიამ. თანამდებობის ოფიციალურად დატოვებამდე ეკა ბესელიამ კომიტეტის სხდომა ჩაატარა და პირველ მოადგილედ გედევან ფოფხაძე აირჩია. მოგვიანებით, გედევან ფოფხაძე უმრავლესობამ კომიტეტიდან გაიწვია, რადგან მათი თქმით, რეგლამენტის დარღვევით იყო არჩეული. კომიტეტის ახალ თავმჯდომარედ ანრი ოხანაშვილის არჩევამდე პირველი მოადგილის თანამდებობა ვაკანტური იყო.

საქართველოს პარლამენტში მიმდინარეობს იურიდიულ საკითხთა კომიტეტის სხდომა, რომელსაც ეკა ბესელიას თანამდებობის დატოვების შემდეგ, პირველად უძღვება ახალი თავმჯდომარე ანრი ოხანაშვილი. ის თავმდჯომარედ საგაზაფხულო სესიის პლენარულ სხდომაზე აირჩიეს.