შინაგან საქმეთა სამინისტროს განცხადებით, დღეს, 7 თებერვალს, გურიაში ე.წ. კანონიერი ქურდისთვის მიმართვისა და მოქალაქეებისგან თანხის გამოძალვის ბრალდებით, წარსულში ნასამართლევი პირი დააკავეს.

უწყების მტკიცებით, დაკავებულის სახლის ჩხრეკისას, სავარაუდოდ, ცეცხლსასროლი იარაღი, ფული და ნარკოტიკული ნივთიერება ნივთმტკიცებად ამოიღეს.

გამოძიების ვერსიით, ბრალდებულმა ე.წ. ქურდული გარჩევის მიზნით, საზღვარგარეთ მყოფ ქართველ ე.წ. კანონიერ ქურდს თენგიზ ხოფერიას მიმართა. შსს იუწყება, რომ ე.წ. ქურდული გარჩევის შედეგად, ბრალდებულმა ლანჩხუთში მცხოვრებ სამ მოქალაქეს თანხა გამოსძალა.

ე.წ. კანონიერი ქურდი თენგიზ ხოფერია, გასული წლის აგვისტოში "კანონიერი ქურდობის" ბრალდებით, სისხლის სამართლის პასუხისგებაში დაუსწრებლად მისცეს.

გამოძიება "კანონიერი ქურდისთვის" მიმართვის და გამოძალვის ფაქტებზე, საქართველოს სსკ-ის 223¹ პირველი და 181-ე მუხლის პირველი ნაწილით გრძელდება.