საქართველოში ახალი რელიგიური ორგანიზაცია "ბიბლიური უზრუნველყოფა" დაფუძნდა, რომელიც მეგობრებს, ახლობლებსა და ოჯახის წევრებს პატიმრებთან შეხვედრის საშუალებას მოგცემთ. ორგანიზაციამ რეგისტრაცია საჯარო რეესტრში 6 თებერვალს გაიარა.

ორგანიზაციის წარმომადგენელმა და დამფუძნებელმა, ალექსანდრე კობაიძემ On.ge-ს განუცხადა, რომ ასე დაეხმარებიან პატიმრებს რესოციალიზაციაში. მისი თქმით, რელიგიური სტატუსის მოსაპოვებლად პირმა გასაუბრება უნდა გაიაროს და დოკუმენტების დასამზადებლად საჭირო ხარჯები დაფაროს.

საქართველოში არსებობს კიდევ ერთი რელიგიური ორგანიზაცია, ბიბლიური თავისუფლება, რომელიც მოქალაქეებს სამხედრო სავალდებულო სამსახურის თავის არიდებაში ეხმარება.