რომის პაპმა, ფრანცისკემ აღსაყდრების შემდეგ პირველად ისაუბრა სასულიერო პირების მხრიდან მონაზვნების სექსუალურ შევიწროებაზე. მან აღიარა, რომ მსგავს ქმედებას მაღალი რანგის სასულიერო პირები, მათ შორის ეპისკოპოსებიც სჩადიოდნენ, "თუმცა ყველა არა".

ფრანცისკეს თქმით, ეს პრობლემაა და მის აღმოფხვრაზე რაღაც პერიოდით მუშაობდნენ. მისივე თქმით, მხილების შემდეგ, მათ რამდენიმე სასულიერო პირი განდევნეს და მონაზონთა ის ორდენები დაშალეს, რომლებიც "კავშირში იყვნენ ამ კორუფციასთან".

"კიდევ არის რამის გაკეთება საჭირო? — დიახ. გვაქვს თუ არა ცვლილებების სურვილი — დიახ", — განახადა ფრანცისკემ ჟურნალსიტებთან.

მონაზვნების სექსუალურ შევიწროებასა და გაუპატიურებაზე წლებია საუბრობენ, თუმცა ეს საკითხი აქტუალური მას შემდეგ გახდა, რაც ერთ-ერთმა მონაზონმა საჯაროდ დაადანაშაულა ეპისკოპოსი. მან განაცხადა, რომ მაღალი რანგის სასულიერო პირმა ორი წლის განმავლობაში 13-ჯერ გააუპატიურა. დაზარალებულს მხარი სხვა მონაზვნებმაც დაუჭირეს.