კონგრესში ქვეყნის მდგომარეობის შესახებ პრეზიდენტის ყოველწლიურ გამოსვლას დემოკრატი ქალი კონგრესმენები თეთრ ტანსაცმელში შეხვდნენ. თეთრი ფერის ტანსაცმელი ეცვა პრეზიდენტ, დონალდ ტრამპის შვილს, ტიფანის და ბევრს მიაჩნია, რომ მისი არჩევანი შემთხვევითი არ იყო.

თეთრი ტანსაცმელი ეცვა პრეზიდენტის შვილს ტიფანი ტრამპსაც.

ფოტო: Andrew Harnik / AP

ტრამპის გამოსვლამდე რამდენიმე დღით ადრე დემოკრატი ქალების სამუშაო ჯგუფმა ქალებისადმი სოლიდარობის ნიშნად მოუწოდა ორივე პარტიის კონგრესვუმენებს თეთრი ტანსაცმელი ჩაეცვათ.

ფოტო: Barcroft Images

თეთრი ფერი დაკავშირებულია სუფრაჟისტების მოძრაობასთან, რომლებიც ქალებისთვის ხმის მიცემის უფლებას ითხოვდნენ. ისინი ძირითადად ატარებდნენ თეთრ ფერს, როგორც სისუფთავის სიმბოლოს. გარდა ამისა, ამ ფერით ისინი ამცნობდნენ სააზოგადოებას, რომ მათი პროტესტი არ იყო აგრესიული.

5 თებერვალს სოლიდარობის აქტში მონაწილეობა დემოკრატებმა ქალებმა მიიღეს. მხარდამჭერებს შორის იყო დემოკრატი დინ ფილიპსი, რომელიც დარბაზში თეთრი კოსტუმით მივიდა.

ფოტო: CQ Roll Call

ფოტო: Reuters

ფოტო: Reuters

თეთრი ფერი პოლიტიკოსი ქალებისთვის მუდამ სიმბოლური იყო. როდესაც შირლი ჩიშლომი პირველი შავკანიანი ქალი გახდა, რომელიც კონგრესში აირჩიეს, 1969 წელს ფიცის დადების დროს მას თეთრი სამოსი ეცვა. იგივე ფერის ტანსაცმელი ეცვა ჯერალდინა ფერაროს, როდესაც ვიცე-პრეზიდენტობის პირველ ქალ კანდიდატად დაასახელეს.

2018 წელს კონგრესში დონალდ ტრამპის პირველი გამოსვლის დროს მისი ცოლი, მელანია ტრამპიც თეთრ ფერში იყო გამოწყობილი.