გაფრთხილება შტორმის წინ

12 იანვარს The Wall Street Journal-მა დაწერა, რომ აშშ-ის პრეზიდენტმა დონალდ ტრამპმა პორნოვარსკვლავ სტეფანი კლიფორდს, იგივე სტორმი დენიელს, სიჩუმისთვის $130 ათასი გადაუხადა. გამომცემლობის ინფორმაციით, ტრამპსა და დენიელს შორის ურთიერთობა 2006 წელს იყო. კონკრეტულად კი, მელანიასა და დონალდის ქორწინებიდან წელიწად-ნახევრის და შვილის, ბარონის დაბადებიდან, ოთხი თვის თავზე. გამომცემლობა ამტკიცებდა, რომ დენიელსმა შეთანხმებას, გაჩუმების შესახებ, 2016 წელს, აშშ-ის საპრეზიდენტო არჩევნებამდე ერთი თვით ადრე მოაწერა ხელი.

ერთი კვირის შემდეგ, 19 იანვარს, ჟურნალმა InTouch გამოაქვეყნა 2011 წელს დენიელსთან ჩაწერილი ინტერვიუ, სადაც პორნოვარსკვლავი ტრამპთა შეხვედრის, ურთიერთობის და სექსის შესახებ ყვება. გამომცმელობის თხოვნით დენიელსმა სიცრუის დეტექტორის ტესტიც გაიარა.

2018 წელს პუბლიკაციის ხელმეორედ გამოქვეყნების შემდეგ სტორმი დენიელსმა არც ერთხელ არც დაადასტურა და არც უარყო, რომ დონალდ ტრამპთან ურთიერთობა ჰქონდა. მაგალითად, ჯიმი კიმელის შოუში მსახიობი პასუხსისთვის თავის არიდებას ცდილობდა.

დონალდ ტრამპი და მისი წარმომადგენლები კატეგორიულად უარყოფენ, რომ პრეზიდენტს დენიელთან რაიმე სახის კავშირი ჰქონდა. პირველ ლედის, მელანია ტრამპსაც ამ საკითხთან დაკავშირებით არაფერი უთქვამს, თუმცა ამერიკულმა მედიამ ჩათვალა, რომ მისი საქციელები მის ნაცვლად მეტყველებენ.

იანვრის შემდეგ ამერიკული პრესა მელანია ტრამპის მოქმედებებს დიდ ყურადღებას აქცევს (მათ შორის ტანსაცმლის არჩევას), რითაც აშშ-ის პრეზიდენტის მიმართ დამალული პროტესტის დანახვა სურთ. ტელეწამყვანები თეთრ სახლში "ქარიშხალზე" ხუმრობენ.

სპა-ცენტრი ეკონომიკური ფორუმის მაგივრად

როგორ New York Times წერს, მელანია აღშფოთებული იყო იმის გამო, რომ მისმა ქმარმა დენიელს სიჩუმისთვის გადაუხადა. ჟურნალი Fortune წერდა, რომ ამან კიდევ უფრო მეტად გაამყარა ის აზრი, რომ მელანია და დონალდი "საკუთარი ცხოვრებით ცხოვრობენ" (ამის შესახებ წერს მაიკლ ვულფი წიგნში "ცეცხლი და მრისხანება: ტრამპის თეთრი სახლის შიგნით"). ფაქტია, რომ იანვრის ბოლოდან მოყოლებული მელანია ტრამპი თავისი ქმრისგან დემონსტრაციულად დისტანცირდება.

23 იანვარს ცნობილი გახდა, რომ მელანია ტრამპმა დავოსში, მსოფლიო ეკონომიკურ ფორუმზე ორდღიანი ვიზიტი გააუქმა. როგორც CNN ამბობს, ეს გადაწყვეტილება ბოლო მომენტში იყო მიღებული. როგორც პირველი ლედის პრესმდივანმა განმარტა, მიზეზი ლოგისტიკა და შეუთავსებელი გრაფიკია. თუმცა, როგორც მედიაში წერდნენ, მელანიას არ ჰქონდა დაგეგმილი ისეთი ღონისძიებები, რომლებიც შვეიცარიაში მის გამგზავრებას შეუშლიდა ხელს.

ამის ნაცვლად პირველი ლედი გაუფრთხილებლად ვაშინგტონში ჰოლოკოსტის მუზეუმს ეწვია, შემდეგ კი პალმ-სპრინგში გაემგზავრა. იქ განთავსებულია დონალდ ტრამპის საკუთრებაში არსებული საკურორტო კომპლექსი, სადაც მელანიამ მთელი დღე გაატარა. პირველი ლედის ფლორიდაში ფრენა კი გადასახადის გადამხდელებს $64 ათასი დაუჯდათ.

ბევრი გამომცემლობა ფიქრობდა თუ რა ხდებოდა და საბოლოოდ გადაწყვიტეს, რომ ეს საქციელი დონალდ ტრამპისთვის გაგზავნილი "ქვეცნობიერი ნიშანია". CNN-ის ეთერში ისტორიკოსმა კეი ბროუერმა აღნიშნა, რომ მელანია ტრამპის საქციელი პირველი ლედისთვის არაეთიკურია. მან კლინტონების სიტუაცია მოიყვანა მაგალითად: იმპიჩმენტის მოლოდინში ბილი და ჰილარი კლინტონები, ხელჩაკიდებულები, გაემგზავრნენ დასასვენებლად, თუმცა ყველამ იცოდა, რომ ეს "საშინელი დასვენება" იქნებოდა.

გარდა ამისა, ჟურნალისტები წერდნენ, რომ მელანია ტრამპმა ქორწინების წლისთავზე სოციალურ ქსელში არაფერი დაწერა. ხოლო დონალდის ინაუგურაციის დღეს გამოაქვეყნა ფოტო არა ქმართან, არამედ უცნობ ჯარისკაცთან ერთად.

ამერიკელი უფლებადამცველისა და პუბლიცისტის ჯილ ფილიპოვიჩის აზრით, პირველი ლედი, შეიძლება, ქმრის წესებით თამაშობს, მაგრამ ეს ჯერ კიდევ არ ნიშნავს, რომ საჭიროდ მიაჩნია მისი მხარე დაიჭიროს და "ჩუმი მოტყუებული ცოლის" როლში გამოვიდეს.

მელანია ტარმპის პრესმდივანმა მსგავს მოსაზრებებს "ყალბი ახალი ამბები" უწოდა და აღნიშნა, რომ პირველი ლედი კონცენტრირებულია ოჯახსა და თავის საქმიანობაზე.

თეთრი კოსტუმი

30 იანვარს დონალდ ტრამპს კონგრესში "ქვეყნის მდგომარეობის შესახებ" პირველი გამოსვლა ჰქონდა. "ამერიკილებს ზოგადად აინტერესებთ, გამოსვლაზე რა ეცმევა პირველ ლედის. თუმცა ამ შემთხვევაში ყველას აღელვებდა, გამოჩნდებოდა თუ არა ის საერთოდ", - წერს New York Times.

მელანია ტრამპი კონგრესში გამოჩნდა, თუმცა ისევ ტრადიციის დარღვევით. აშშ-ის ისტორიაში პირველად პრეზიდენტი და პირველი ლედი კონგრესში სხვადასხვა მანქანით მივიდნენ, რითაც, როგორც Vox წერს, დამატებითი დრამა შექმნეს.

როგორ მელანია ტრამპმა ახსნა, ქმრის გამოსვლაზე წასასვლელად მან ღონისძიების სტუმრებთან ერთად არჩია - "ამერიკელ გმირებთან ერთად, რომლებიც სამშობლოს სამსახურში არიან". დარბაზში მას ფეხზე ადგომითა და ოვაციებით შეხვდნენ. თუმცა თვითონ დონალდ ტრამპის სიტყვების შემდეგ, რამდენად მნიშვნელოვანია ამერიკაში ოჯახი, დემონტრაციულად ფეხზე არ ადგა.

მელანია ტრამპის ჩაცმულობას მედიამ დიდი ყურადღება მიაქცია. აშშ-ის პრეზიდენტის ცოლმა Dior-ის თეთრი კოსტუმი აირჩია. ABC News-მა აღნიშნა, რომ მსგავსი ჩაცმულობა, შეიძლებოდა, სუფრაჟისტებისთვის ან ჰილარი კლინტონის საფირმო თეთრი კოსტუმისთვის "მისალმების" მსგავსი ყოფილიყო. ჟურნალი Vanity Fair წერდა, რომ პირველი ლედის ჩაცმულობა წინა წლის მოვლენის გამოძახილი იყო: 2017 წლის პირველ მარტს დემოკრატიული პარტიის წევრი ქალები, დონალდ ტრამპის მიზოგინიის გასაპროტესტებლად, თეთრად ჩაცმულები მივიდნენ.

New York Magazine-ს არ გამორჩენია ქმრის გამოსვლის დროს მელანია ტრამპის სახის მიმიკები. "მადლობა სამართლიანი გამომეტყველებისთვის, მელანია. ჩვენ ყველაფერს ვხედავთ", - დაწერა გამომცემლობამ. სტივენ კოლბერის ტელეშოუში კი პირველი ლედის ფარული ფემინისტური მესიჯების შესახებ სკეტჩიც კი გაითამაშეს.

3 თებერვალს დონალდი და მელანია ტრამპები შვილთან, ბარონთან ერთად დასასვენებლად გაემგზავრნენ. პრესა პირველი ლედის დრამატულ ჩაცმულობაზე, ისე ჟურნალისტებთან, და, სავარაუდოდ, ქმართან საუბრის არ ქონის სურვილზე მიუთითებდნენ. ბრიტანული გამომცემლობა The Independent ვარაუდობს, რომ აშშ-ის პირველი ლედის მდგომარეობამ და "მდუმარე პროტესტმა", შესაძლოა, მნიშვნელოვან და შთამაგონებელ ფიგურად აქციოს ის.