ევროპული საქართველო ამზადებს კანონპროექტს, რომელიც ზოგადი უნარების ტესტის სავალდებულოობას კანონით დაარეგულირებს. ამის შესახებ ევროპული საქართველოს დეპუტატმა სერგი კაპანაძემ განაცხადა.

მისი თქმით, ნებისმიერი განათლების მინისტრი ცვლის საგანმანათლებლო სისტემას თავისი სურვილებიდან გამომდინარე ისე, რომ ალტერნატივებსაც არ გვთავაზობს.

2020 წლიდან ზოგადი ზოგადი უნარების გამოცდის ჩაბარება სავალდებულო აღარ იქნება. შეფასებისა და გამოცდების ეროვნული ცენტრის დირექტორის, სოფო გორგოძის ინფორმაციით, 2020 წელს ეროვნულ გამოცდებზე ქართული ენისა და ლიტერატურისა და უცხო ენის გამოცდები სავალდებულო იქნება ყველასთვის. მისივე განმარტებით, მესამე სავალდებულო საგანი განისაზღვრება უმაღლესი სასწავლებლის პროგრამების მიხედვით: ტექნიკური მიმართულებების შემთხვევაში — მათემატიკა, ხოლო ჰუმანიტარული მიმართულების შემთხვევაში — ისტორია.

ზოგადი უნარების გამოცდა საქართველოში 2005 წლიდან ტარდება.