მაყურებლის ფავორიტმა, უოლტერ უაითის როლის შემსრულებელმა ბრაიან კრენსტონმა შოუთაიმთან ახალი კონტრაქტი გააფორმა, რომლის მიხედვითაც ის არხის ახალ მინისერიალში Your Honor მთავარ როლს შეასრულებს.

მთავარი როლის გარდა, ბრაიანი 10-ეპიზოდიანი სერიალის აღმასრულებელი პროდიუსერიც იქნება.

ახალი იურიდიული ტრილერი ჩიკაგოში მცხოვრები საზოგადოების შესახებ იქნება. კრენსტონი მოსამართლის როლს მოირგებს, რომლის შვილსაც დანაშაულებრივ ორგანიზაციასთან აქვს კონტაქტი.

შოუთაიმის ეს სერიალი ისრაელური სერიალის Kvodo ადაპტაცია იქნება.

ამ ეტაპზე უცნობია, როდის დაიწყება სერიალის გადაღებები.