შინაგან საქმეთა სამინისტროს ინფორმაციით, გორში დააკავეს 1992 წელს დაბადებული პირი, რომელმაც სხვა არასრულწლოვნის თანდასწრებით ბავშვზე ფიზიკურად იძალადა.

უწყების ინფორმაციით, 2010 წელს დაბადებული ბავშვი, რომელსაც მშობლები არ ჰყავს, ბრალდებულის ცოლის დისშვილია. ძალადობის მსხვერპლი არასრულწლოვანი და ამ ძალადობის შემსწრე მისი და სოციალური სააგენტოს თანამშრომლებმა სოციალური მომსახურების სააგენტოს საოჯახო ტიპის სახლში გადაიყვანეს.

საქმეზე გამოძიება სისხლის სამართლის კოდექსის 126-ე¹ მუხლის მე-2 ნაწილის "ა" და "ბ" ქვეპუნქტებით მიმდინარეობს, რაც ძალადობას გულისხმობს. დანაშაულის დამტკიცების შემთხვევაში ბრალდებულს 3 წლამდე პატიმრობა ემუქრება.