ორგანიზაცია ეროვნულ დემოკრატიული ინსტიტუტის (NDI-ს) კვლევის თანახმად, მოსახლეობის უმრავლესობას, 53 პროცენტს მიაჩნია, რომ ქვეყანა სიღარიბესთან ბრძოლის კუთხით არასწორად ვითარდება. 40 პროცენტი ფიქრობს, რომ საერთოდ არ იცვლება და მხოლოდ 5პროცენტს მიაჩნია, რომ სწორი მიმართულებით ვითარდება.

გარდა ამისა, მოსახლეობისთვის განსაკუთრებულ პრობლემას წარმოადგენს ფასების ზრდა და ინფლაცია. კვლევის მიხედვით, 81 პროცენტს მიაჩნია, რომ ამ მიმართულებით ქვეყანა არასწორი მიმართულებით ვითარდება.

რაც შეეხება სიტყვის თავისუფლებას, მოსახლეობის 44 პროცენტი ფიქრობს, რომ ქვეყანა სწორი მიმართულებით ვითარდება და 31 პროცენტს მიაჩნია, რომ ამ მხრივ არაფერი იცვლება.

როგორც NDI-ს კვლევიდან ვიგებთ, მოსახლეობის 38 პროცენტს მიაჩნია, რომ ქვეყანა არასწორი მიმართულებით ვითარდება, 30 პროცენტი — საერთოდ არ იცვლება, 29 პროცენტი— სწორი მიმართულებით.

NDI-იმ საზოგადოებრივი აზრის ახალი კვლევა გამოაქვეყნა. საველე სამუშაოების თარიღები 2018 წლის 6-20 დეკემბრით თარიღდება. ჩატარდა 2205 დასრულებული ინტერვიუ. საშუალო ცდომილების ზღვარი +/- 2,1 პროცენტია.