რუსეთის კომუნიკაციების ფედერალური სამსახური სოციალურ ქსელებს Facebook-ისა და Twitter-ის 5 ათასი რუბლით დაჯარიმების საკითხს განიხილავს. როსკომნადზორმა, სოციალური ქსელების წინააღმდეგ ადმინისტრაციული სამართალდარღვევის საქმე აღძრა. ამის მიზეზი კომპანიების მხრიდან "რუსეთის კანონმდებლობით დაკისრებული ვალდებულების" შეუსრულებლობა სახელდება. ამის შესახენ ინფორმაციას BBC ავრცელებს.

თუკი, კომპანიები მოთხოვნებს არ შეასრულებენ, ჯარიმის რაოდენობა გაიზრდება. რუსეთის კანონმდებლობით, ასევე, შესაძლებელია ამ ქსელების სრული ბლოკირებაც.

რუსეთის კანონმდებლობით, ფეისბუქმა და ტვიტერმა მათ ქსელში დარეგისტრირებული რუსეთის მოქალაქეების პერსონალური მონაცემები რუსეთის ტერიტორიაზე უნდა განათავსოს, თუმცა კომპანიები აღნიშნული ვალდებულებას შესრულებას არ ჩქარობენ. რუსეთის მოქალაქეების მონაცემების ლოკალიზაცია, კომპანიებსა და რუსეთის ხელისუფლებას შორის მთავარი თემაა.

გასული წლის დეკემბერში რუსეთის სახელმწიფო უწყებამ 500 ათასი რუბლით დააჯარიმა მსოფლიოს უმსხვილესი საძიებო სისტემა Google. დაჯარიმების მიზეზი კომპანიის მხრიდან კონტენტის ფილტრაცია უარის თქმა გახდა.

რუსეთის ხელისუფლება ბოლო წლების განმავლობაში აქტიურად ცდილობს სხვადასხვა სოციალური ქსელებზე და პლატფორმებზე მაქსიმალური კონტროლის დამყარებას. დაახლოებით ერთი წლის წინ როსკომნადზორმა ტელეგრამის დაბლოკვის გადაწყვეტილება მიიღო. რუსეთის ხელისუფლება ტელეგრამის მფლობელებისგან მომხმარებლების მიმოწერის კრიპტოგრაფიული გასაღების მიწოდებას ითხოვდა.