დიდ დიღომში კორპუსში აფეთქებასთან დაკავშირებით პოლიციაში კორპუსის მშენებელი კომპანიის, ელ ჯგუფის დირექტორი გიორგი ჭანტურია გამოკითხეს. ჭანტურიას ადვოკატის, ალექსანდრე კობაიძის თქმით, პოლიცია ცდილობს, დანაშაულზე პასუხისმგებლობა კომპანიას დააკისროს.

"ძალიან ცუდია, როდესაც რეალური, ამ შემთხვევაში ბრალეულობა, ვისზეც შეიძლება გამოიკვეთოს, ამ კუთხით არ მიმდინარეობს მუშაობა. ჩვენ აუცილებლად, მოსახლეობა ხვალ გავაკეთებთ განცხადებას და ვისაუბრეთ იმ დეტალებზე, თუ რა პასუხისმგებლობა ჰქონდა აღებული ყაზტრანსგაზს, — აღნიშნა კობაიძემ ჟურნალისტებთან.

მისივე თქმით, მოსახლეობა აპირებს, რომ ზიანის ანაზღაურების მოთხოვნით ყაზტრანსგაზის წინააღმდეგ სარჩელს მოამზადებენ.

16 იანვარს, საღამოს თბილისში, დიდ დიღომში, ავთანდილის ქუჩაზე საცხოვრებელი კორპუსის მეექვსე სართული, სავარაუდოდ, გაზის გაჟონვის შედეგად აფეთქდა. შემთხვევის შედეგად გარდაიცვალა ოთხი ადამიანი, მათ შორის 4 წლის ბავშვია. სხვადასხვა სახის დაზიანება მიიღო რვა ადამიანმა.