წინასწარი შედეგებით, 2018 წელს საქართველოში საქონლით საგარეო სავაჭრო ბრუნვა(არადეკლარირებული ვაჭრობის გარეშე) 12 484,4 მილიონი აშშ დოლარია. აღნიშნული მაჩვენებელი წინა წელთან შედარებით 17 პროცენტით მეტია.

საქსტატის ინფორმაციით, ექსპორტი წინა წელთან შედარებით 22,9 პროცენტით გაიზარდა და 3 362,1 მილიონი აშშ დოლარი შეადგინა. გარდა ამისა, წინა წელთან შედარებით 14,9 პროცენტით გაიზარდა იმპორტი და 9 122,3 მილიონი აშშ დოლარი შეადგინა.

ექსპორტსა და იმპორტს შორის სხვაობა 2018 წელს 5 760,2 მილიონი აშშ დოლარია და საგარეო სავაჭრო ბრუნვის 46,1 პროცენტი შეადგინა.

ფოტო: საქსტატი