სამების საკათედრო ტაძარში პატრიარქის, ილია მეორის საშობაო ეპისტოლე წაიკითხეს. პატრიარქი აღნიშნავს, რომ მოსწავლეთა "ეროვნული სულისკვეთებით" აღზრდას სათანადო ყურადღება უნდა მიექცეს:

"სასწავლო პროგრამებიდან, სამწუხაროდ, თითქმის ამოღებულია ჩვენი კლასიკოსი მწერლების ნაწარმოებები, ყურადღება არ მახვილდება ჩვენი ერის გმირულ წარსულზე, არ აღინიშნება გამოჩენილ პიროვნებათა და მოვლენათა ღირსსახსოვარი თარიღები; ხშირად არ ეწყობა ექსკურსიები ჩვენი ქვეყნის სხვადასხვა კუთხის გასაცნობად... უნდა გატარდეს სხვა ღონისძიებებიც, რომ ყმაწვილებში სამშობლოს სიყვარული გაღვივდეს და ისინი ღირსეულ მოქალაქეებად ჩამოყალიბდნენ".

პატრიარქი ეპისტოლეში სასკოლო განათლებაზეც საუბრობს და ამბობს, რომ დაწყებით კლასებში დედა ენის დაბრუნება სასიხარულოა.

"განსაკუთრებული ზრუნვა გვმართებს მომავალ თაობაზე, რათა შემდეგ მათ საყვედური არ გვითხრან, რომ არ დავეხმარეთ, გაცნობიერებული ნაბიჯები გადაედგათ თავისი ცხოვრების გზაზე", — აღნიშნულია ეპისტოლეში.

ამავე თემაზე: