სტატისტიკის ეროვნული სამსახურის ინფორმაციით, 2015 წელს საქართველოში 172 ახალი სასტუმრო და სასტუმროს ტიპის დაწესებულება შევიდა ექსპლუატაციაში. 2015 წელს, საერთო ჯამში, 1 154 სასტუმროს მომსახურების მქონე სუბიექტი არსებობდა.

საქსტატის ცნობით, მოქმედი სასტუმროების 99,3% კერძო საკუთრებაშია. 9,6% უცხოელი ფიზიკური და იურიდიული პირის საკუთრებაა, 0,7% კი სახელმწიფოს ეკუთვნის.

სამსახურის ინფორმაციით, 2015 წელს, აღნიშნული დაწესებულებები 1,8 მილიონზე მეტ სტუმარს მოემსახურა, რაც წინა წლის მაჩვენებელზე 33,3%-ით მეტია.

ამავე ინფორმაციის თანახმად, საქართველოს სასტუმროებს სტუმართა 63.1% საზღვარგარეთის ქვეყნებიდან სტუმრობდა, 36,9% კი საქართველოდან. საზღვარგარეთიდან საქართველოს სასტუმროებში ყველაზე დიდი რაოდენობით რუსები სტუმრობდნენ.

ფოტო: სტატისტიკის ეროვნული სამსახური

2015 წელს გასულ წელთან შედარებით, სასტუმროებსა და სასტუმროს ტიპის დაწესებულებებში სტუმართა რაოდენობა მნიშვნელოვნად გაიზარდა:

  • არაბთა გაერთიანებული ემირატებიდან 3.6-ჯერ,
  • რუსეთიდან 44.0%-ით,
  • უკრაინიდან - 40.0%-ით,
  • გერმანიიდან - 31.4%-ით,
  • ისრაელიდან - 28.2%-ით,
  • სომხეთიდან - 14.0%-ით,
  • პოლონეთიდან - 4.9%-ით,
  • თურქეთიდან - 4.6%-ით
  • აშშ-დან - 2.8%-ით