გაინტერესებთ იმ სერიალების სია, რომლებიც ყველაზე მეტჯერ ჩამოტვირთეს არალეგალურად?

გეტყვით, რომ სერიალის გამოსვლიდან პირველად, სიაში არ არის HBO-ს სამეფო კარის თამაშები. მიზეზი მარტივია - 2018 წელს ახალი სეზონი არ გამოსულა. სამაგიეროდ, შეგვიძლია ვთქვათ, რომ სულ რამდენიმე თვეში, 2019 წლის აპრილში საკულტო შოუ ფინალური სეზონით დაბრუნდება.

რაც შეეხება სიას, ათეული ასე გამოიყურება:

10. Suits

Suits აარონ კორშის დრამაა. სერიალის პირველი სეზონი ეთერში 2011 წელს გავიდა და მალევე გახდა პოპულარული. ამჟამად ეთერში მერვე სეზონი გადის. აღსანიშნავია, რომ სწორედ ამ სერიალში თამაშობდა სამეფო ოჯახის ახალი წევრი - მეგან მარკლი.

9. Legends of Tomorrow

DC-ის სუპერგმირებზე გადაღებული სერიალი ეთერში 2016 წელს გამოვიდა. შოუში მთავარ როლებს ვიქტორ გარბერი, ბრენდონ რუთი და არტურ დარვილი ასრულებენ.

8. Westworld

შეიძლება თამამად ითქვას, რომ Westworld, სამეფო კარის თამაშებთან ერთად HBO-ს ერთ-ერთი წამყვანი შოუა. მეორე სეზონის პრემიერა 2018 წლის 22 აპრილს შედგა და მალევე ერთ-ერთ ყველაზე ყურებად სერიალად იქცა.

7. Supernatural

Supernatural უკვე წლებია რაც ეთერში გადის, თუმცა პოპულარობას და მაყურებელს არ კარგავს. სერიალი 14 სეზონია რაც CW-ის ყველაზე პოპულარული შოუების რიცხვშია და ძმებ ვინჩესტერების ამბავს მოგვითხრობს.

6. Arrow

Arrow დაფუძნებულია DC კომიქსების გმირზე, რომლის შემქმნელებიც მორტ უაიზინგერი და ჯორჯ პეპი არიან. შოუს პრემიერა 2012 წელს შედგა CW-ზე.

5. Titans

Titans ამ სიაში ყველაზე ახალბედაა. სერიალის პრემიერა 2018 წელს შედგა და როგორც ხედავთ, მალევე გახდა პოპულარული.

4. Vikings

Vikings ისტორიული ჟანრის სერიალი. მისი პრემიერა 2013 წელს შედგა. შოუს მეხუთე სეზონი ნოემბერში გამოვიდა.

3. The Big Bang Theory

ჩაკ ლორისა და ბილ პრედის სიტკომი უკვე 12 სეზონია ამერიკელების (და არამხოლოდ) ფავორიტი შოუა.

2. The Flash

The Flash-ის პრემიერა 2014 წელს შედგა. მთავარი პერსონაჟი კი DC-ის კომიქსების სამყაროს გმირი ფლეშია.

1. The Walking Dead

მოსიარულე მკვდრები 2010 წლიდან ამერიკული სატელევიზიო სივრცის ერთ-ერთი ლიდერია. შარშან ის ამ სიაში მეორე ადგილს იკავებდა, თუმცა როგორც ხედავთ, 2018 წელს არალეგალურად ჩამოტვირთულ სერიალებს შორის ის პირველ ადგილს იკავებს.