Netflix-მა მხოლოდ საუდის არაბეთში სატირული კომედიური შოუს იმ ეპიზოდზე შეზღუდა წვდომა, რომელიც ამავე ქვეყნის პრინცს აკრიტიკებდა. The Guardian-ის ცნობით, Netflix-მა გადაწყვეტილება მას შემდეგ მიიღო, რაც საუდის არაბეთის მთავრობამ უკმაყოფილება გამოთქვა.

"ამოღებული ეპიზოდის ნახვა ყველგანაა შესაძლებელი გარდა საუდის არაბეთისა", განმარტავენ Netflix-ში.

Human Rights Watch-ის შეფასებით, ეს ქმედება ხელოვანების თავისუფლებას საფრთხეს უქმნის.

კომედიური ეპიზოდი Washington Post-ის ჟურნალისტის, ჯამალ ხაშოგის მკვლელობიდან სამ თვეში გამოვიდა. ცნობილია, რომ აშშ-ს სენატორებმა ხაშოგის მკვლელობაში საუდის არაბეთის პრინცი მოჰამედ ბილ სალმანი დაადანაშაულა.

კომედიურ შოუში პატრიოტული აქტი, ამერიკელი კომედიანტი ჰასან მინაჟი პრინც მუჰამედ ბინ სალმანს აკრიტიკებენ ჟურნალისტის, ჯამალ ხაშოგის მკვლელობისთვის. საუდის არაბეთის მთავრობის პოზიციით, ამით საუდის არაბეთის კიბერუსაფრთხოებას საფრთხე დაემუქრა.

The Human Right Watch-ში აცხადებენ, რომ Netflix-სთვის ხელოვანების თავისუფლება არაფერს ნიშნავს და დამოკიდებულია იმ მთავრობაზე, რომელიც თავისი მოქალაქეების პოლიტიკოსების, მსახიობების სიტყვის თავისუფლებას არაფრად აგდებს.

Netflix-მა დაიცვა საკუთარი გადაწყვეტილება და განაცხადა, რომ ეს იყო პასუხი სამართლებრივ მოთხოვნაზე საუდის არაბეთის კომუნიკაციებისა და ინფორმაციული ტექნოლოგიების კომისიისგან.

"ჩვენ მხარს ვუჭერთ მსახიობების თავისუფლებას მთელ მსოფლიოში და ჩვენ ამოვიღეთ ეს ეპიზოდი საუდის არაბეთში მას შემდეგ, რაც მივიღეთ კანონიერი მოთხოვა, რომელიც ადგილობრივ კანონს ემყარება", — განაცხადა კომპანიის წარმომადგენელმა Financial Times-სთან.