გერმანიაში ინტერსექსუალი ადამიანები უკვე ყველა ოფიციალურ დოკუმენტში აღიარეს, როგორც მესამე სქესი. BBC-ის ცნობით, შესაბამისი კანონი დეკემბერში მიიღეს და დღეიდან ამოქმედდა. იმ პირებს, რომლებიც ბიოლოგიურად არც მდედრობით და არც მამრობით სქესს არ მიეკუთვნებიან, შეუძლიათ დოკუმენტის გრაფაში აირჩიონ კატეგორია "მრავალფეროვანი" (diverse). არჩევის შემდეგ რეგისტრაციისთვის საჭიროა ექიმის მოწმობა.

ინტერსექსუალ ადამიანებს ერთდროულად ქალის და მამაკაცის სასქესო ნიშნები აქვთ. გერმანიის გარდა ინტერსექსუალი ადამიანები აღიარა ავსტრიის საკონსტიტუციო სასამართლომ. გაეროს მონაცემებით, მსოფლიოს მოსახლეობის 1,7 პროცენტი ინტერსექსუალის ნიშნებით დაიბადა. ეს მაჩვენებელი იმდენივეა რამდენი წითური ადამიანიც არსებობს მსოფლიოში.

აღნიშნულ საკითხზე მსჯელობა სასამართლომ სარჩელის საფუძველზე დაიწყო. სასამართლოს სარჩელით ქალმა მიმართა, მოსარჩელის ქრომოსომების ტესტირების შედეგად აღმოჩნდა, რომ ბიოლოგიურად იგი არც მდედრობით და არც მამრობით სქესს არ მიეკუთვნება.