ყოფილ საპრეზიდენტო კანდიდატს, ზურა ჯაფარიძეს ახალი წლის ღამეს მისივე დაფუძნებული პარტია გირჩი მეკვლედ აქირავებს. ამის შესახებ გირჩის მიერ გავრცელებულ ინფორმაციაში წერია.

"ჰუმანიტარებისთვის: შეამხანაგების შემთხვევში გამარჯვების შანსი იზრდება", — აღნიშნავენ პარტიაში.

აუქციონის წესების მიხედვით, ჯაფარიძე სულ ხუთ ადამიანს ესტუმრება. ამ დროის [23:00] მონაცემებით, ყველაზე მაღალი ფსონი, რაც დაიდო, 35 ლარია.

აუქციონი ახალ წლამდე

ახალ წლამდე აუქციონი შეწყდება 31 დეკემბერს, 23:30 საათზე. 23:45 საათზე გამოვლინდება სამი გამარჯვებული.

  • პირველ გამარჯვებულთან ჯაფარიძე მივა 01:00-დან 02:00 შუალედში;
  • მეორე გამარჯვებულთან ჯაფარიძე მივა 02:00-დან 03:00-მდე;
  • მესამე გამარჯვებულთან ჯაფარიძე მივა 03:00-დან 04:00-მდე.

"შემომწირველთა აუქციონის ფარგლებში ჯაფარას სტუმრად მისვლა შესაძლებელია მხოლოდ თბილისის ფარგლებში. P.S გამონაკლისია ბიძინა ივანიშვილთან სტუმრობის შემთხვევაში", — განმარტავენ პარტიაში.

ახალი წლის ღამის აუქციონი

ახალი წლის ღამის აუქციონი დაიწყება პირველ იანვარს, 00:00-დან და შეწყდება 03:00 საათზე. 03:15 საათზე გამოვლინდება ორი გამარჯვებული.

  • პირველ გამარჯვებულთან ჯაფარიძე მივა 04:00-დან 05:00 შუალედში;
  • მეორე გამარჯვებულთან ჯაფარიძე მივა 05:00-დან 06:00-მდე.