თბილისის მერიის განცხადებით, გლდანის რაიონის ინფრასტრუქტურული სამუშაოების ფარგლებში, ავჭალაში, წყალსადენის ქუჩაზე, 2 800 მ2 ფართობზე გზის საფარი დაიგო და 1200 მეტრი სიგრძის ბორდიურები მოეწყო.

სამუშაოებისთვის გლდანის რაიონის გამგეობამ 165 000 ლარი გამოყო.

როგორც მერია იუწყება, კორპუსში, სადაც დევნილები ცხოვრობენ, ბინათმესაკუთრეთა ამხანაგობების განვითარების ხელშეწყობის პროგრამის ფარგლებში განსახორციელებელი სამუშაოებისთვის გლდანის რაიონის გამგეობა, დაახლოებით, 47 000 ლარს გამოყოფს.

ქალაქის მუნიციპალიტეტის ცნობით, სამუშაოები დასრულებულია მუხიანშიც, სადაც დუმბაძისა და ნონეშვილის ქუჩების დამაკავშირებელი გზის მონაკვეთის რეაბილიტაცია დასრულდა.

მერია აცხადეს, რომ პროექტის ღირებულებამ 193 672 ლარი შეადგინა, გზის რეაბილიტაციისთვის კი 144 395 ლარი დაიხარჯა - 2850 მ2 ფართობზე ასფალტის საფარი დაიგო და 1050 მეტრ სიგრძეზე ბორდიურები მოეწყო, 2920 მ2 ფართობზე გზის საფარი დაიგო, მუხიანის მე-4 მ/რ-ის 26-ე, 27-ე, 28-ე, 38-ე და მე-40 კორპუსების მიმდებარე ტერიტორიაზე კი, მთელს პერიმეტრზე 977 მეტრი სიგრძის ბორდიურები მოეწყო.

თბილისის მერიის განცხადებით, სარეაბილიტაციო სამუშაოები ჩაუტარდა დიდუბის რაიონში 12 მოსასვენებელ სკვერს. მერიიც ცნობით, სკვერებში მოეწყო ბორდიურები და დეკორატიული ფილები, დაიდგა საპარკე სკამები და ურნები. ტერიტორიები შემოიღობა ლითონის დეკორატიული ღობით, დაიდგა სათამაშო ატრაქციონები კაუჩუკის რბილი იატაკით. სკვერებში აგრეთვე დამონტაჟდა საჩრდილობლები.

სკვერების რეაბილიტაციის სამუშაოებისთვის გამგეობის ბიუჯეტიდან 170 000 ლარი დაიხარჯა.