ე.წ საზღვრის უკანონო კვეთისთვის ჯარიმებით 2018 წელს დე ფატო სამხრეთ ოსეთმა 39 000 ლარი გამოიმუშავა. ამის შესახებ ადგილობრივ სახელისუფლებო გამოცემა რესს დე ფაქტო სამხრეთ ოსეთის უშიშროების კომიტეტის (KGB) უფროსმა, ვლადიმირ ხუბაევმა განუცხადა.

ხუბაევის განცხადებით, 2018 წელს დე ფაქტო სამხრეთ ოსეთის საზღვრის უკანონო კვეთის ბრალდებით 543 ადამიანი დააკავეს. მისივე თქმით, გამოავლინეს 292 ადამიანი, რომელიც ე.წ სასაზღვრო ზონაში საჭირო დოკუმენტების გარეშე იმყოფებოდა.

2008 წლის აგვისტოს ომის შემდეგ დე ფაქტო ხელისუფლება რუსეთის საოკუპაციო რეჟიმთან ერთად საქართველოს ტერიტორიაზე მავთულხლართებს ავლებს. საოკუპაციო ხაზსს მიღმა რჩება ადგილობრივიების საცხოვრებელი სახლები და მიწის ნაკვეთები. მოსახლეობას აღარ აძლევენ საკუთარ სახლებში დაბრუნების უფლებას. წინააღდეგობის გაწევის შემთხვევაში კი იტაცებენ და აპატიმრებენ.