ძლიერმა მიწისძვრამ იტალიის ცენტრალურ ნაწილში ქალაქები და სოფლები გაანადგურა. CNN-ის ცნობით, დაღუპულთა რიცხვი 281-მდე გაიზარდა. დაკარგულია უამრავი ადამიანი, ამიტომ შესაძლოა ეს მონაცემი გაიზარდოს.

აკუმოლი და ამატრიჩე ის ქალაქებია, რომლებსაც სტიქიამ ყველაზე დიდი ზარალი მიაყენა.

პირველი მსხვერპლი სწორედ ამატრიჩეში იპოვეს, ხუთშაბათს სამაშველო ჯგუფებისთვის ცნობილი გახდა, რომ ნგრევის დროს უამრავი ადამიანი ცოცხლად დაიმარხა.

"ნახევარი ქალაქი გამქრალია" - თქვა ამატრიჩეს მერმა სერხიო პიროზიმ.

ამატრიჩე

ფოტო: Google / AP

ამატრიჩე

ფოტო: Google / Reuters

ამატრიჩე

ფოტო: Google / AP

აკუმოლის მერის თქმით, ზაფხულობით ქალაქის მოსახლეობა 700-დან 2 000-მდე იზრდება, თუმცა მიწისძვრის შემდეგ აკუმოლის მომავალი ბუნდოვანია:

"აქ ნამდვილი ტრაგედია ხდება, ხალხი ჯერ კიდევ ნანგრევებს შიგნითაა".

აკუმოლი

ფოტო: Google / Reuters

დახმარებას ითხოვენ მეზობელი სოფლები არკუატა-დელ-ტრონტო და პესკარა-დელ-ტრონტო.

არკუატა-დელ-ტრონტო

ფოტო: Google / Getty

იტალიაში მაშველები ამ დრომდე ეძებენ დაკარგულებს. ქვეყანაში 27 აგვისტო გლოვის დღედ გამოცხადდა.