UNICEF-ის კვლევის მიხედვით, საქართველოში მოზარდის აღზრდა იშვიათად გულისხმობს შვილის სქესობრივი და რეპროდუქციული ჯანმრთელობის საკითხებში ინფორმირებას. გარდა ამისა, ცოტა მშობელი გამოთქვამს მზაობას შვილი სექსუალურად ზრდასრულად ჩამოყალიბდეს და ხელი შეუწყოს მას სექსუალური იდენტობის ჩამოყალიბებაში, ესაუბროს და რჩევები მისცეს შვილს სექსზე, სექსუალობაზე, ფიზიკურ ცვლილებებზე და ა.შ.

"ადრეული მოზარდობის ასაკის ბავშვებს, სქესობრივი და რეპროდუქციული ჯანმრთელობის საკითხებში, მშობლები მთავარ მრჩევლებად და მენტორებად არ მიაჩნიათ. ეს შესაძლოა იმითაც იყოს გამოწვეული, რომ მშობლებისგან ხშირად ესმით გამოგონილი, არაზუსტი ან არადამაჯერებელი ამბები, მაგალითად, ბავშვის გაჩენასა და სექსუალობასთან დაკავშირებით", — ვკითხულობთ კვლევაში.

ამავე მონაცემებიდან ირკვევა, რომ, დედების აზრით, ყველა მნიშვნელოვანი ფაქტი სქესობრივ მომწიფებასა და სხეულის ცვლილებებთან დაკავშირებით, მოზარდ გოგოებს მათ უნდა გაუზიარონ. მხოლოდ რამდენიმე მამამ გამოხატა მზაობა, ნებისმიერ საკითხზე ესაუბრა შვილებთან, განურჩევლად სქესისა.

ბიჭების შემთხვევაში ეს სხვაგვარადაა. სქესობრივი განათლება ბიჭებისთვის "მამის საქმედ" აღიქმება. რიგ შემთხვევებში მამები იაზრებენ ბიჭი შვილის ბიოლოგიურ მოთხოვნილებას და ფინანსურად უჭერენ მხარს გამოცდილების მისაღებად.

"მხოლოდ რამდენიმე მშობელმა გამოთქვა მოსაზრება, რომ მათ შვილების დაცული სექსისთვის საჭირო ინფორმაციით შეიარაღების პასუხისმგებლობა აკისრიათ", — ვკითხილობთ კვლევაში.

ამავე თემაზე: