ჰუმანური იდეების გავრცელებისა და ქვეყნის წინაშე აღმატებული ღვაწლისათვის პრეზიდენტმა, გიორგი მარგველაშვილმა ფეხბურთელი გურამ კაშია ბრწყინვალების მედლით დააჯილდოვა. ამის შესახებ ინფორმაცია On.ge-ს პრეზიდენტის ადმინისტრაციის პრესსამსახურიდან მიაწოდეს.

ეს ერთადერთი ჯილდო არაა, რომელიც კაშიამ თანასწორობაში შეტანილი წვლილისთვის მიიღო. ერთ-ერთი ბოლო ლგბტქ ადამიანების გაძლიერებაში შეტანილი წვლილისთვის ორგანიზაცია თანასწორობის მოძრაობის მიერ გადაცემული ჯილდოა. მანამდე იყო UEFA. მას ორგანიზაციის ახალი ჯილდო, #EqualGame ლგბტ თემის მიმართ გამოხატული მხარდაჭერისთვის გადაეცა.

კაშიას მხარდაჭერა

2017 წლის ოქტომბერში, კაშიამ მატჩისას ხელზე ლგბტ დროშის ფერებში სამკლაური გაიკეთა, რაც ცნობიერების ამაღლების კამპანიის ნაწილი იყო. მისი ფოტოს გამოჩენამ, ქართველი მომხმარებლების ნაწილი გააღიზიანა. კაშიამ განაცხადა, რომ ძალადობის წინააღმდეგია და არ ნანობს რაც გააკეთა.

მოგვიანებით, ონლაინ ბულინგის გამო ფეხბურთელმა ფეისბუქის ვერიფიცირებული გვერდი გააუქმა და ინსტაგრამის ანგარიში დახურა. სოციალური ქსელის მომხმარებლები მის მხარდაჭერად გაერთიანდნენ და კამპანია #გურამშენთანვარ დაიწყეს. კაშიას მხარდაჭერა გამოუცხადა ფეხბურთის ფედერაციამ, თანაგუნდელებმა, ომგუდმსმენმა პოლიტიკოსებმა, ჟურნალისტებმა და სხვადასხვა აქტივისტებმა.