წინასწარი მონაცემებით, სომხეთის რიგგარეშე საპარლამენტო არჩევნებში გაიმარჯვა ბლოკმა ჩემი ნაბიჯი, რომლის ლიდერი პრემიერ-მინისტრობის მოვალეობის შემსრულებელი ნიკოლ პაშინიანია. არჩევნები ქვეყანაში 9 დეკემბერს გაიმართა.

რადიო თავისუფლების სომხური ბიუროს ინფორმაციით, ყოფილმა მმართველმა პარტიამ, რესპუბლიკურმა პარტიამ 5%-ზე ნაკლები მიიღო, შესაბამისად პარლამენტში ვერ ხვდება.

გარდა ამისა, პარლამენტში ხვდებიან პარტიები აყვავებული სომხეთი და ნათელი სომხეთი. პარტიებს შორის ხმები ასე გადანაწილდა:

  • ბლოკი ჩემი ნაბიჯი — 70,43%;
  • აყვავებული სომხეთი — 8,27%;
  • ნათელი სომხეთი — 6,37%;
  • სომხეთის რესპუბლიკური პარტია — 4,70%;
  • პარტია დაშნატკუციუნი — 3,89%;
  • ბლოკი ჩვენ — 2%;
  • სასნა ცერი — 1,82%;
  • ორინაც ერკირი — 0,99%;
  • სოციალ-დემოკრატიული პარტია მოქალაქის არჩევანი — 0,68%;
  • პარტია ქრიასტიანულ-დემოკრატიული აღორძინება — 0,51%;
  • პარტია ეროვნული პროგრესი — 0,33%.