არასამთავრობო ორგანიზაცია თანასწორობის მოძრაობამ ლგბტქ ადამიანების გაძლიერებაში შეტანილი წვლილისთვის 12 ადამიანს თანასოწორბის ჯილდო გადასცა. დაჯილდოება დღეს, 7 დეკემბერს გაიმართა. გამარჯვებულები თემის წევრებისა და 6 ორგანიზაციის ხმის მიცემის საფუძველზე გამოვლინდნენ.

დაჯილდოებულებს შორის არიან, პოლიტიკოსი, სასულიერო პირი, ექიმები, სპორტსმენი, აკადემიის წარმომადგენელი, შიდსის აქტივისტი, ჟურნალისტი, მწერალი, ხელოვანი, ბიზნესი, პოლიციელი.

გამარჯვებულები:

  • ნომინაციაში პოლიტიკოსი — თამარ კორძაია;
  • ნომინაციაში ექიმი — გიორგი ჭეიშვილი, ნინო რუხაძე;
  • ნომინაციაში ჟურნალისტი — ნათია ორველაშვილი;
  • ნომინაციაში ხელოვანი — ლაშა ცერცვაძე;
  • ნომინაციაში მწერალი — დავით გაბუნია;
  • ნომინაციაში აკადემიის წარმომადგენელი — გიორგი მაისურაძე;
  • ნომინაციაში ბიზნესი — ბასიანი;
  • ნომინაციაში სპორტსმენი — გურამ კაშია;
  • ნომინაციაში პოლიციელი — ლალი ინასარიძე;
  • ნომინაციაში შიდსის აქტივისტი — გიორგი სოსელია;
  • ნომინაციაში სასულიერო პირი — რუსუდან გოცირიძე.

როგორც ორგანიზაციაში აცხადებენ, "თანასწორობის გალა" არის მადლიერების აქტი იმ მხარდამჭერისთვის, რომელსაც განსაკუთრებული გავლენა აქვს საზოგადოებაში ლგბტქ ადამიანების მიმართ არსებული დამოკიდებულებების შეცვლაზე.