გაერთიანებული ოპოზიციის საპრეზიდენტო კანდიდატმა, გრიგოლ ვაშაძემ რუსთაველზე შეკრებილ აქციის მონაწილეებს განუცხადა, რომ ისინი არჩევნების შედეგის გასაჩივრებას გეგმავენ.

"ჩვენი იურისტები ამზადებენ სარჩელს, რომელსაც შევიტანთ ჩვენ სასამართლოში. ჩემი მოთხოვნაა არჩევნები იქნეს ცნობილი ბათილად. ამას არ შევურიგდებით", — განაცხადა გრიგოლ ვაშაძემ.

ამ წუთებში, თბილისის პარლამენტის შენობის წინ გაერთიანებული ოპოზიციის აქცია იმართება. რუსთაველის გამზირის საავტომობილო გზის ორივე მხარე გადაკეტილია. ოპოზიიცის წევრები აცხადებენ, რომ ისინი არ ცნობენ საპრეზიდენტო არჩევნების შედეგებს. მათი აზრით "ხმები მოიპარეს" და არჩევნები გაყალბდა.