გაერთიანებული ოპოზიციის საპრეზიდენტო კანდიდატის, გრიგოლ ვაშაძის თქმით 28 ნოემბერს არჩევანი იყო მასსა და ქართული ოცნების თავმჯდომარის, ბიძინა ივანიშვილს შორის.

BBC-ის რუსული ბიუროსთვის მიცემულ ინტერვიუში ვაშაძე აღნიშნავს, რომ ექს-პრეზიდენტს, მიხეილ სააკაშვილს მის საარჩევნო კამპანიასთან კავშირი არ აქვს.

"დიახ, ის ჩნდებოდა ტელევიზორის ეკრანებზე... მაგრამ შეხედეთ ჩემს პროგრამას ეკონომიკური და პოლიტიკური რეფორმების ნაწილში. თქვენ ოდესმე მოგისმენიათ მისგან რამე, რაც ჩემს შეთავაზებებს ემთხვევა?" — აღნიშნა ვაშაძემ.

ჟურნალისტის კითხვის საპასუხოდ, ვაშაძე ამბობს, რომ სააკაშვილის ფიგურას საარჩევნო კამპანიაში აქტიურად არ იყენებდა. მან კიდევ გაიმეორა, რომ სააკაშვილის აზრი არის ერთი ადამიანის მოსაზრება, რომელსაც მასთან და გაერთიანებულ ოპოზიციასთან კავშირი არ აქვს.

მას შემდეგ რაც ცნობილი გახდა, რომ არჩევნებზე სალომე ზურაბიშვილი ლიდერობს ექსპრეზიდენტმა საზოგადოებას დაუმორჩილებლობისკენ მოუწოდა. სააკაშვილის თქმით, ხალხმა არჩევნების შედეგი არ უნდა აღიაროს, პოლიცია და ჯარი კი ბრძანებებს არ უნდა დაემორჩილონ.

ამავე თემაზე: