საპრეზიდენტო კანდიდატის, გრიგოლ ვაშაძის თქმით, გაერთიანებული ოპოზიცია რევოლუციას, დაპირისპირებასა და არეულობის მოწყობას არ აპირებს.

"ვაპირებთ იმის გაკეთებას, რის უფლებასაც გვაძლევს კონსტიტუცია და საქართველოს კანონმდებლობა იმიტომ, რომ ჯერჯერობით რისი გაუქმებაც ვერ მოასწრო ივანიშვილმა ამ ქვეყანაში, ეს არის შეკრებისა და სიტყვის თავისუფლება. ასე რომ, სრული კონსტიტუციური უფლება გვაქვს შევიკრიბოთ იქ, სადაც საჭიროდ ვთვლით", — განაცხადა ვაშაძემ.

ხუთშაბათს ფილარმონიაში მხარდამჭერებთან შეხვედრის დროს ვაშაძემ განაცხადა, რომ არჩევნების მეორე ტურის შედეგებს არ აღიარებს. 2 დეკემბერს რუსთაველის გამზირზე გაერთიანებული ოპოზიცია საპროტესტო აქციას გამართავს.