ოკუპირებული სამხრეთ ოსეთის დე ფაქტო პრეზიდენტმა, ანატოლი ბიბილოვმა განაცხადა, რომ მნიშვნელობა არ აქვს ვინ იქნება საქართველოს პრეზიდენტი, რადგან ეს თბილისი-ცხინვალის ურთიერთობაზე გავლენას მაინც არ იქონიებს.

"არ მგონია, რომ ხელისუფლებაში მოსვლისას ზურაბიშვილი ან ვაშაძე აღიარებენ სამხრეთ ოსეთს და ცეცხლის შეწყვეტის შესახებ მემორანდუმს მოაწერენ ხელს. სამხრეთ ოსეთთან ურთიერთობის დალაგების სურვილი არც ერთ მათგანს არ აქვს", — განაცხადა ბიბილოვმა.

28 ნოემბერს საქართველოში საპრეზიდენტო არჩევნების მეორე ტური ჩატარდა. ცესკოს წინასწარი შედეგებით, არჩევნებში ქართული ოცნების მიერ მხარდაჭერილმა საპრეზიდენტო კანდიდატმა, სალომე ზურაბიშვილმა გაიმარჯვა.