ცესკოს წინასწარი მონაცემებით, 74 ოლქიდან 71-ში ხელისუფლების მხარდაჭერილი კანდიდატი, სალომე ზურაბიშვილი ლიდერობს. მისმა კონკურენტმა კი მას მხოლოდ სამ ოლქში მოუგო.

გრიგოლ ვაშაძე ლიდერობს საზღვარგარეთ, რუსთავსა და თელავში.

ხმების გადანაწილება

საზღვარგარეთის ოლქი

  • გრიგოლ ვაშაძე — 64,24%;
  • სალომე ზურაბიშვილი — 35,76%.

რუსთავი

  • გრიგოლ ვაშაძე — 51,51%;
  • სალომე ზურაბიშვილი — 48,49%.

თელავი

  • გრიგოლ ვაშაძე — 51,19%;
  • სალომე ზურაბიშვილი — 48,81%.

საპრეზიდენტო არჩევნების მეორე ტური შუა კვირაში, ოთხშაბათს, 28 ნოემბერს გაიმართა. არასამთავრობო ორგანიზაციები და ოპოზიცია აღნიშნულ თარიღს ეწინააღმდეგებოდნენ და ამტკიცებდნენ, რომ სამუშაო დღეს არჩევნების დანიშვნა საზღვარგარეთ მცხოვრებ ამომრჩეველს ხმის მიცემაში ხელს შეუშლიდა.

ცესკოს წინასწარი მონაცემებით, დათვლილია ხმების 100%, რის მიხედვითაც საქართველოს მეხუთე პრეზიდენტი სალომე ზურაბიშვილი ხდება.