ცენტრალურმა საარჩევნო კომისიამ ხმების 98,76% დაითვალა. მიმდინარე მონაცემით მმართველი გუნდის მიერ მხარდაჭერილ კანდიდატს 1 143 111 ხმა აქვს, რაც 59,61%, ხოლო გაერთიანებული ოპოზიციის კანდიდატს, გრიგოლ ვაშაძეს 774 468 ხმა, რაც 40,39%-ია.

საპრეზიდენტო არჩევნების პირველ ტურში სალომე ზურაბიშვილმა სულ 615 542 ხმა მიიღო, გრიგოლ ვაშაძემ კი 601 225. მეორე ტურში სალომე ზურაბიშვილის მხარდაჭერა საგრძნობლად, 527 569 ხმით გაიზარდა, ხოლო ვაშაძეს ხმა მხოლოდ 173 243-ით მეტმა ამომრჩეველმა მისცა.

ცესკოს მიმდინარე შედეგებით, საქართველოს ბოლო არჩეული პრეზიდენტი, მმართველი გუნდის მიერ მხარდაჭერილი კანდიდატი, სალომე ზურაბიშვილი იქნება. ის იგებს ეგზიტპოლის ორივე შედეგითაც.

ორი ეგზიტპოლის შედეგები

რუსთავი 2-ისა და იმედის ეგზიტპოლებით საპრეზიდენტო არჩევნებს მმართველი გუნდის მიერ მხარდაჭერილი კანდიდატი სალომე ზურაბიშვილი იგებს. იმედის შედეგებით, რომელიც კომპანია გალაპ ინტერნეიშენალმა ჩაატარა, საპრეზიდენტო არჩევნებში მმართველი გუნდის მიერ მხარდაჭერილ კანდიდატს, სალომე ზურაბიშვილს ხმების 58 პროცენტი აქვს. გაერთიანებული ოპოზიციის პრეზიდენტობის კანდიდატმა, გრიგოლ ვაშაძემ კი ხმების 42 პროცენტი მიიღო.

რუსთავი 2-ის ეგზიტპოლის შედეგების მიხედვით, საპრეზიდენტო არჩევნებში მმართველი გუნდის მიერ მხარდაჭერილი კანდიდატი, სალომე ზურაბიშვილი 55 პროცენტით იგებს. გაერთიანებული ოპოზიციის პრეზიდენტობის კანდიდატმა კი ხმების 45 პროცენტი მიიღო. რუსთავი 2-მა ედისონ რისერჩის ეგზიტპოლის 17:00 საათის მონაცემები გამოაქვეყნა.

ამავე თემაზე: