მარნეულის მუნიციპალიტეტ სოფელ იმირში საარჩევნო უბანთან დაპირისპირებაა. ტელეკომპანია რუსთავი 2 გაერთიანებულ ოპოზიციაზე დაყრდნობით აცხადებს, რომ დაპირისპირების მიზეზი 59-ე საარჩევნო უბანზე გრიგოლ ვაშაძის გამარჯვება გახდა.

რუსთავი 2-ის ჟურნალისტი აცხადებს, რომ გრიგოლ ვაშაძემ 6 ხმით გაიმარჯვა, რამაც ქართული ოცნების მხარდამჭერების გააღიზიანა. ტელეკომპანიის გავრცელებულ კადრებში ჩანს, რომ რამდენიმე პირი გზას უკეტავს მანქანას პოლიცია კი გზის გათავისუფლებას ცდილობს. ამ პროცესში პოლიციას და იქ შეკრებილ ადამიანებს შორის ფიზიკური დაპირისპირება მოხდა.

რუსთავი 2-ისა და იმედის მიერ ჩატარებული ეგზიტპოლის შედეგების მიხედვით, არჩევნების მეორე ტურში სალომე ზურაბიშვილმა გაიმარჯვა.