საპრეზიდენტო არჩევნების მეორე ტურამდე რამდენიმე საათით ადრე მოქალაქეებს გაერთიანებული ოპოზიციის კანდიდატის, გრიგოლ ვაშაძისა და ქართული ოცნების დამფუძნებლის, ბიძინა ივანიშვილის "ხმით დაურეკეს". ამის შესახებ ინფორმაცია On.ge-ს ერთიან ნაციონალურ მოძრაობასა და ქართულ ოცნებაში დაუდასტურეს.

ქართულ ოცნების პრესსამსახურში აღნიშნავენ, რომ ტელეფონზე ხმოვანი შეტყობინებით მოქალაქეებს ბიძინა ივანიშვილი სალომე ზურაბიშვილის მხარდაჭერისკენ მოუწოდებს. ნაციონალურ მოძრაობაში ამბობენ, რომ გრიგოლ ვაშაძე მოქალაქეებს პირველი ტურის შედეგებისთვის მადლობას უხდის და მეორე ტურზე მისვლისკენ მოუწოდებს.