ქარელში წყალმომარაგების სისტემის სარეაბილიტაციო სამუშაოები მიმდინარეობს. სამუშაოების დასრულების შემდეგ, ქარელის მუნიციპალიტეტის მოსახლეობას 24 საათიანი წყალმომარაგება ექნება. ამის შესახებ საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის აღმასრულებელმა დირექტორმა, ჯუანშერ ბურჭულაძემ განაცხადა:

"დღეის მდგომარეობით, აღნიშნულ მოსახლეობას 10 საათიანი გრაფიკით მიეწოდება წყალი. რეაბილიტაციის შედეგად მოვახერხებთ, რომ ქარელის ამ დასახლებაში 8 ათასი მოსახლე ისარგებლებს 24 საათიანი წყალმომარაგებით."

სამუშაოები 2015 წლის მაისში დაიწყო და 2016 წლის შემოდგომაზე დასრულდება. პროექტის ფარგლებში მოეწყო წყლის მაგისტრალური მილსადენი თავისი განშტოებებით. პროექტი ევროპის საინვესტიციო ბანკის დაფინანსებით მიმდინარეობს და მისი ღირებულება 2 500 000 ლარია.