24 აგვისტოს ბათუმის კლუბ Boom Boom Beach-ს ISHOME ეწვევა. ივენთი სტარტს 24 აგვისტოს, საღამოს 11 საათზე აიღებს. ისჰომთან ერთად Vako T დაუკრავს.

ისჰომ საქართველოში უკვე მესამედ ჩამოდის, ის ელექტრონული მუსიკის ფესტივალს SET FEST-ს უკვე 2-ჯერ ეწვია, ზაფხულის სეზონის ყველაზე ცხელ პერიოდში კი არტისტი შავი ზღვის სანაპიროზე მსმენელის წინაშე ახალი პროექტებით წარსდგება.

მირა ისჰომი წარმოშობით რუსი არტისია, მისი სახელი ელექტრონული მუსიკის მოყვარულებში მთელი ევროპის მასშტაბით 2010 წლიდან გავრცელდა, იმ პერიოდისთვის დიჯეისა და პროდიუსერის ყველაზე ცნობილი ტრეკი “Ken Tavr” გახლდათ.

როგორც თავად ამბობს, პროექტი ისჰომ შედარებით მარტივად აღსაქმელი მუსიკაა:

"როდესაც ისჰომს ვაკეთებდი, მინდოდა შემექმნა პროდუქტი, რომელიც იქნებოდა მარტივად მოსასმენი, თუმცა, დიდ ემოციურ გავლენას მოახდენდა მსმენელზე. რაც შეეხება Shadowax-ს , ეს მეტად ავანგარდული მუსიკაა. ის აჩვენებს ჩემ სწრაფვას თავისუფლებისადმი. შედოუვაქს ტექნოს ბევრად დიდ გავლენას განიცდის".

ისჰომ საქართველოში უკვე მესამედ ჩამოდის, თუმცა, ორივე ზემოაღნიშნული პროექტით ქართველი მსმენელის წინაშე პირველად წარსდგება. ის როგორც ისჰომის ლაივს დაუკრავს, ასევე, შედოუვაქსსაც წარადგენს.

ბილეთის ღირებულება კარზე 25 ლარს შეადგენს, პრისეილზე www.eventer.ge-ზე შეძენის შემთხვევაში კი 20 ლარს.