ამერიკაში 28 დღის წინ ყველაზე დიდი ჯეკპოტი, 1,5 მილიარდი დოლარი გათამაშდა, თუმცა იღბლიანი ბილეთის მფლობელი კომპანიაში ჯერ კიდევ არ გამოცხადებულა და თავი არ წარუდგენია. ინფორმაციას CNN ავრცელებს.

ცნობილია ის, რომ გამარჯვებული სამხრეთ კაროლინიდანაა და მან ლოტოს გათამაშებაში ექვსივე ციფრი 5, 28, 62, 65, 70 და ბონუს-ციფრი 5 გამოიცნო. ბილეთის ღირებულება 2 დოლარი იყო. მისი მოგების შანსი 302,5 მილიონიდან ერთი იყო.

ეს ყველაზე დიდი ჯეკპოტია მსოფლიოს ისტორიაში, რაც ოდესმე გათამაშებულა. მასში მონაწილეობის მიღება ამერიკის 44 შტატის მოქალაქეებს შეეძლოთ.

ლოტოს წარმომადგენლები ამბობენ, რომ გამარჯვებულს ბილეთის წარსადგენად 100 დღეზე ნაკლები დარჩათ.