ამერიკის ლოტოს ლატარიის ოფიციალურმა წარმომადგენლებმა განაცხადეს, რომ ჯეკპოტი 1,5 მილიარდი დოლარი გათამაშდა.

გამარჯვებული სამხრეთ კაროლინიდანაა და მან ლოტოს გათამაშებაში ექვსივე ციფრი 5, 28, 62, 65, 70 და ბონუს-ციფრი 5 გამოიცნო. ბილეთის ღირებულება 2 დოლარი იყო.

იღბლიანი ადამიანის ვინაობა, რა თქმა უნდა, ჯერჯერობით უცნობია და ჩვენ მას გამძლე გული გვინდა ვუსურვოთ, რადგან ის ერთადერთია, ვინც 1,5 მილიარდი დოლარის ღირებულების ჯეკპოტის მფლობელი გახდა. მისი მოგების შანსი 302,5 მილიონიდან ერთი იყო.

ეს ყველაზე დიდი ჯეკპოტია მსოფლიოს ისტორიაში, რაც ოდესმე გათამაშებულა. მასში მონაწილეობის მიღება ამერიკის 44 შტატის მოქალაქეებს შეეძლოთ.

ლოტოს წარმომადგენლები გამარჯვებულს მოუწოდებენ, რომ ფინანსური მენეჯერი დაიქირაოს.