საფრანგეთის ყოფილი პრეზიდენტი ნიკოლა სარკოზი, 2017 წლის საპრეზიდენტო არჩევნებზე იყრის კენჭს, ინფორმაციას როიტერი ავრცელებს.

"მე გადავწყვიტე, რომ 2017 წლის საპრეზიდენტო არჩევნებზე კანდიდატი ვიქნები. ვიგრძენი, რომ მაქვს ძალა ჩავერთო ამ ბრძოლაში ჩვენი ქვეყნისთვის რთულ დროში" - წერს სარკოზი ოფიციალურ ტვიტერზე.

სარკოზს საპრეზიდენტო მარათონში კონკურენციას ყოფილი პრემიერ მინისტრი, ალენ ჟიუპე, გაუწევს, რომელიც რეიტინგით სარკოზს უსწრებს. სარკოზის განცხადებებიდან გამომდინარე ექსპერტები აცხადებენ, რომ მისი საარჩევნო კამპანია მიგრაციის პრობლემებზე იქნება ორიენტირებული.

ნიკოლა სარკოზი საფრანგეთის პრეზიდენტი 2007-2012 წლებში იყო.