შვილმოკლული მამა, ზაზა სარალიძე, რომელიც ჯანმრთელობის პრობლემის გამო საავადმყოფოში იყო გადაყვანილი თბილისში, პარლამენტის შენობის წინ აქციაზე ბრუნდება. ამის შესახებ მან საავადმყოფოდან გამოსვლის შემდეგ განაცხადა.

"დღეს რაც მოდა, ამათ [ხელისუფლებას] მე არ ვაპატიებ. შვილი მომიკლეს და ახლა დედაჩემის მოკვლა უნდათ? ვაი ამათ პატრონს. იქამდე ვიბრძოლებ, ან მომკლავენ, ან მივაღწევ სამართალს", — განაცხადა ზაზა სარალიძემ, რომელიც ახლა უკვე აქციაზეა.

დღესვე კლინიკაში გადაიყვანეს ზაზა სარალიძის დედა. როგორც ინგოროყვას კლინიკაში On.ge-ს განუცხადეს, მისი მდგომარეობა სტაბილურია.

ზაზა სარალიძე ჯანმრთელობის მდგომარეობის გაუარესების გამო კლინიკაში არაერთხელ გადაიყვანეს.

რამდენიმე დღის წინ შვილმოკლულმა მამამ, ზაზა სარალიძემ თბილისის მერიისგან წერილი მიიღო, სადაც აღნიშნული იყო, რომ თბილისში, პარლამენტის შენობის მიმდებარე ტერიტორია უნდა დაეტოვებინა. ამ საკითხთან დაკავშირებით დასმული კითხვის საპასუხოდ თბილისის მერმა, კახა კალაძემ განაცხადა, რომ დედაქალაქი საახალწლოდ ემზადება და ამ ადგილის გამოყენება შეუძლებელი იქნება. როგორც მერი განმარტავდა, აქციის მონაწილეებს შეუძლიათ სხვა ადგილი იპოვონ.

ამავე თემაზე: