მნიშვნელობა არ აქვს ადევნებთ, თუ არა ჰოლივუდში მიმდინარე მოვლენებს თვალს. ერთხელ მაინც გაიგებდით ისტორიას იმის შესახებ, რომ ორ ლეგენდარულ მსახიობს, ჯულია რობერტსსა და სანდრა ბულოკს ერთმანეთი სძულთ.

ეს ამბავი უკვე 30 წელია მსოფლიოს გარშემო მოგზაურობს და ახალ-ახალი ინფორმაცით საზრდოობს. მსახიობების ფანები ყოველწლიურად სხვადასხვა ტაბლოიდებიდან იგებენ ახალ მიზეზს იმის შესახებ, თუ რატომ შეიძულეს ერთმანეთი ოსკარის მფლობელმა მსახიობებმა. საბოლოოდ ყველაფერი კი როლებთან მიდის.

ამ ჭორების საპირწონებ, უნდა ითქვას, რომ რეალურად მსახიობებს სულაც არ სძულთ ერთმანეთი. პირიქით, სანდრა ბულოკმა ერთ-ერთი ჯილდოს მიღების დროს მადლობაც კი გადაუხადა ჯულიას და თქვა, რომ დიდწილად რობერტსის დამსახურებაა ის, რომ მას ასეთი კარიერა აქვს.

არავინ იცის ხუმრობდა თუ არა ბულოკი როცა ამ განცხადებას აკეთებდა, თუმცა მისი სიტყვები რეალობას მოკლებული სულაც არ არის.

სანდრას კარიერაში მრავლად მოიძებნება როლები, რომლებმაც ის სუპერ ვარსკვლავად აქცია, ამ ფილმებში კი ის მას შემდეგ მიიწვიეს, რაც ჯულიამ სხვადასხვა მიზეზებით უარი თქვა.

ამის ყველაზე დიდი მაგალითებია - While You Were Sleeping, The Proposal და The Blind Side (რომლითაც სანდრამ ოსკარი მიიღო).

როგორც აღმოჩნდა, მსახიობები ამ ჭორებმა დაღალა და გადაწყვიტეს ერთხელ და სამუდამოდ დაესრულებინათ მითქმა-მოთქმა ამ თემაზე.

სწორედ ამიტომ, მათ ფანებს და მედიას მისცეს ის, რაც სჭირდებოდათ - საერთო ფილმი.

როგორც ერთ-ერთი გამოცემის წყარო ყვება, რომ ემ ეტაპზე პროექტზე მოლაპარაკებები თითქმის დასრულებულია.

"ეს ორი ლეგენდარული მსახიობი ფილმში დების როლს მოირგებენ, რომლებსაც ერთმანეთი სძულთ. ამ მშვენიერ და წარმატებულ მსახიობებს სცენარი ძალიან მოსწონთ და რაც მთავარია, ერთმანეთით აღფთოვანებულები არიან", - ყვება გამოცემის წყარო.

საინტერესოა, თუ მათ ამ ჭორების დასრულება უნდათ, რატომ აირჩიეს ისეთი როლები, სადაც ერთმანეთი უნდა სძულდეთ?

როგორც ხედავთ, ეს 30-წლიანი ჭორები მაყურებლისთვის ძალიან სასარგებლო გამოდგა, რადგან მალე კიდევ ერთ კარგ ფილმს ვნახავთ ორი დიდებული მსახიობის მონაწილეობით.